ავისმომასწავებელი ნიშნები - მსოფლიოს მრავალ ქვეყანაში წყალი სისხლისფერი გახდა
27.02.2012, 00:41
ავისმომასწავებელი ნიშნები - მსოფლიოს მრავალ ქვეყანაში წყალი სისხლისფერი გახდა
მსოფლიოში უცნაური მოვლენები ხდება. რამოდენიმე ხნის წინ მსოფლიო შეძრა ფრინველთა თვითმკვლელობამ და მასიურმა დაღუპვამ. ფრინველები პირდაპირ სეტყვასავით ცვივოდენ მსოფლიოს ქალაქებსა და სოფლებზე. სულ ახლახან ვიუწყებოდით იმის შესახებ, რომ მრავალ ქვეყანაში უცნაური და შემაძრწუნებელი ხმები გაისმა ციდან, ამჯერად ამას წყლების სისხლისფრად გარდაქცევა მოჰყვა.
ადამიანებს აპოკალიფსური განწყობა ეუფლება და ალბათ არც თუ უსაფუძვლოდ.
წყალთან დაკავშირებულ ანომალიებს აკვირდებიან 2010 წლიდან. ზოგ ადგილებში წყალი საერთოდ გაქრა, ზოგან სისხლისფრად წითლდება და ეს პროცესი უკვე მრავალ ქვეყანაში დაიწყო: აშშ, ანტარქტიკა, ავსტრალია, ერაყი, ჩინეთი, ირანი, რუსეთი (http://survincity.ru/2011/08/chernoe- more-pokrasnelo/ ) და ა. შ.
ლღვება ყინული და მისგან წითელი ფერის წყალი იღვრება, აგერ ულამაზესი ტყე, მაგრამ მასში საშინელი წითელი მდინარე მოედინება. ტელევიზიით ამას არ აჩვენებენ და არაფერს ამბობენ ამ მოვლენის შესახებ, რათა ადამიანებმა არაფერი უწყოდენ და ვერც გაიგონ, რომ აპოკალიფსისი ახლოვდება. ღმერთი სინანულისკენ მოუწოდებს ადამიანებს, რადგან რაც დრო გადის, საშინელი პერიოდი სულ უფრო და უფრო ახლოვდება...
მრავალმა რომ იცოდეს თუ რა ხდება დღეს მსოფლიოში (უნივერსალური ელექტრონული ბარათი, ელექტრონული საკონცენტრაციო ბანაკები, წყლის გაწითლება, უცნაური ხმები ცაში, ჩიპირება, მორგელონის დაავადება, ეკლესიათა განდგომა ჭეშმარიტი სარწმუნოებისგან, იუვენალური იუსტიცია, ქიმტრეილები, პროექტი "BLUE BEAM" ("ცისფერი სხივი"), მიწისძვრა ათონზე, HAARP, დიდი ადრონული კოლაიდერი, საყოველთაო კატაკლიზმები, ანტიქრისტეს ერთიანი რელიგიის ჩამოყალიბება და მრავალი სხვა), ალბათ უფრო დაფიქრდებოდა თავის ცხოვრებაზე, შეინანებდა თავის უდარდელობას და ღმერთს მიუბრუნდებოდა, მაგრამ ისინი სრულ უმეცრებაში იმყოფებიან და არც აინტერესებთ მსგავსი მოვლენების წარმომავლობა.
მართალია, მრავალი მათგანი ადამიანის ნახელავია, უფრო სწორედ ანტიქრისტეს მსახურებისა, მაგრამ ამგვარი მოვლენები ხომ ნაწინასწარმეტყველევია და ისინი ჩვენს გასაფრთხილებლად გვევლინება. ღმერთი დაუშვებს მათ აღსრულებას, რათა დავფიქრდეთ ჩვენს ცოდვილ ცხოვრებაზე და შევინანოთ. მიუხედავად ამისა, ადამიანთა უმრავლესობა მაინც დროსტარებასა და ქეიფს არჩევს, სათნო და სინანულით აღსავსე ცხოვრებას.
ძალზედ გულსატკენია ყოველივე ამის ხილვა, გსურს იყვირო: "რას სჩადით, ადამიანებო!!! გონს მოეგეთ!!! გეყოფათ ტელევიზორების წინ ჯდომა და ზომბირება. ნუ იცინით და იტყვით, რომ ეს ყოველივე სისულელე და ზღაპრებია, დრო ძალზედ მცირე რჩება, შეინანეთ, სანამ დროა! შეინანეთ!
წადით ტაძრებში, თქვით აღსარება, შეევედრეთ უფალს და ეზიარეთ!... გადარჩენა მხოლოდ ქრისტეშია!...
კიდევ რამდენი რამ არ იციან ადამიანებმა და არც კი ეჭვობენ, რომ აღსასრული ახლოსაა... როგორ უნდა შევაგონოთ მათ, რომ მოიხედონ მართლმადიდებლობისკან, დააკვირდნენ საკუთარ ცხოვრებას და მიმდინარე მსოფლიო მოვლენებს, დაფიქრდნენ ქვეყნიერების ყოფაზე და ჯეროვანი დასკვნები გამოიტანონ... როგორ უნდა შევაგონოთ მათ?... ჩვენ გვინდა რაც შეიძლება მეტი ვამცნოთ ყველას იმ მოვლენებზე, რაზეც მოსახლეობის უმეტესობას ან ინფორმაცია არა გააჩნია, ან საერთოდ წარმოდგენაც კი არა აქვს რა ხდება... ჩვენ ვიმედოვნებთ, რომ შევეწევით მათ გამოფხზილებას, იმედი გვაქვს ისინი შეიგნებენ, ჩაწვდებიან მოვლენათა არსს, შეინანებენ თავიან ცოდვილ ცხოვრებას და ცხონდებიან! ღმერთმა ქნას!
იხსენ, ღმერთო, მართლმადიდებელი ქრისტეანნი ყოველგვარი განსაცდელისგან!.
წითელი წყალი ხენანში (პროვინცია ჩინეთის ცენტრალურ ნაწილში)
შავ ზღვაში (სევასტოპოლის რაიონში) ნაპირზე წყალი გაწითლდა. ზღვამ მკვდარი თევზიც ამოყარა
წყლის ფერი ტეხასის შტატის (აშშ) დასავლეთით მდებარე ტბაში ამ ბოლო კვირას სისხლისფერი გახდა
სპარსეთის ყურის ირანის სანაპიროზე "წითელმა მოქცევამ" 32 ტონა თევზი იმსხვერპლა
კრასნოიარსკის მხარის სოფ. ჩემოლგანის მცხოვრებლებმა ერთი თვის უკან განგაში ატეხეს: მათი სოფლის ახლოს მდებარეობს ტბა, რომელიც უცნაურ ვითარებაში გაწითლდა და აყროლდა
მდინარემ ბეირუთში (ლიბანი) უეცრად ფერი შეიცვალა და სისხლისფერი გახდა. ანომალიამ ადგილობრივი ხელისუფლება და მოსახლეობა გააოგნა. ზოგიერთი ვარაუდობს, რომ წყალი წარმოების ნარჩენების მდინარეში ჩადინებამ გააწითლა, მაგრამ დაბინძურების წყარო, ასევე თვით ნივთიერება, რომელსაც შეეძლო ამის გამოწვევა ვერ აღმოაჩინეს
მსოფლიოში უცნაური მოვლენები ხდება. რამოდენიმე ხნის წინ მსოფლიო შეძრა ფრინველთა თვითმკვლელობამ და მასიურმა დაღუპვამ. ფრინველები პირდაპირ სეტყვასავით ცვივოდენ მსოფლიოს ქალაქებსა და სოფლებზე. სულ ახლახან ვიუწყებოდით იმის შესახებ, რომ მრავალ ქვეყანაში უცნაური და შემაძრწუნებელი ხმები გაისმა ციდან, ამჯერად ამას წყლების სისხლისფრად გარდაქცევა მოჰყვა. 
