არქიმანდრიტი გაბრიელი: ჩვენ ვცხოვრობთ ისეთ დროში, შევესწრებით ანტიქრისტეს გამეფებას. ის უკვე მოსულია და თავის მზაკვრულ საქმეებს დაფარულად აკეთებს. მსოფლიოს მალე ეყოლება ერთი მბრძანებელი. შეიქმნება მსოფლიო მართვის ცენტრი, რომლის მბრძანებელიც გახდება ანტიქრისტე. ამიტომაც ხდება დიდი გლობალური გაერთიანებები. ანტიქრისტეს ექნება მოქმედების შვიდი წელი, რომელიც ორ ნაწილად გაიყოფა. პირველ სამწელიწად ნახევარში ის იბრძოლებს მსოფლიოს სრული ბატონობისათვის და ხალხის ნდობის მოსაპოვებლად. ამისათვის ის მოირგებს ძალზედ ლოიალური,ჰუმანური და კეთილშობილი პიროვნების ნიღაბს. ამ პერიოდში შეწყდება ომები, დროებით აღარც შიმშილობა და არეულობა იქნება,ამით ის მოიპოვებს ხალხის ნდობას და მხოლოდ ამის შემდეგ შეუდგება მიზნის ასრულებას.
ანტიქრისტეს მოსვლას ვერ შეაჩერებს და წინ ვერ აღუდგება ვერავითარი ძალა, რადგან ზნეობრივად გადაგვარებული ადამიანების აუტანელი ცოდვების გამო, ღვთის დაშვებით ეძლევა მას მოქმედების უფლება. ეძლევა იმისათვის რომ საბოლოოდ გაირჩეს ერთმანეთისგან "თხა და ცხვარი”.
მალე გაქრება ყველანაიკრი ვალუტა და იარსებებს მხოლოდ ერთი მსოფლიო ფული.მაგრამ ანტიქრისტეს მოსვლის შემდეგ ისიც დაკარგავს ფასს. ის შემოიღებს თავის ბეჭედს(მხეცის ნიშანი) და ამ ბეჭდით დაბეჭდავენ ადამიანებ მარჯვენა მკლავზე და შუბლზე. ხოლო მათ ვინც არ მიიღებს ამ ბეჭედს არ ექნებათ არსებობის საშუალება რადგან ყიდვა-გაყიდვა შეუძლებელი გახდება.
ყოველი ადამიანი დიდი გამოცდისა და განსაცდელის წინაშე დადგება. დაწერილია რომ მაშინ: "მართალნიც ძნელად გადარჩნენ”. მორწმუნე, სულის ცხონების მაძიებელ ადამიანებს ერთადერთი გზა დარჩებათ გაეხიზნონ ყველაფერს მიუვალ ადგილებში და მთებში. ადამიანები რომლებიც ანტიქრისტეს ბეჭედს მიიღებენ მალევე ინანებენ და დაწყევლიან თავი9ანთ გაჩენის დღეს. რამეთუ დაავადდებიან სხვადასხვა ავადმყოფობით, იქნება შიმშილი და განუკითხაობა.
ანტიქრისტეს ბატონობიდან ზუსტად სამწელიწად ნახევარში იქნება ქრისტეს მეორედ მოსვლა. მხოლოდ ქრისტეს მიერ დამარცხდება ანტიქრისტე და ჩაინთქმება სამუდამო ცეცხლის ტბაში.
P.S.მხოლოდ არქიმანდრიტი გაბრიელი არ წინასწარმეტყველებდა ანტიქრისტეს შესახებ. იმავეს ამბობდნენ წმ.მატრონა და სერაფიმ საროველიც. გარდა ამისა ნათქვამია რომ ერთადერთი საქართველოში ვერ მოიკიდებს ფეხს ანტიქრისტე. და რომ ქართველ ერს მეორედ მოსვლის დროს წინ ჩვენი პატრიარქი, უწმინდესი და უნეტარესი ილიაII გაუძღვება.
