ხუთშაბათი, 21.09.2017, 03:48მთავარი | რეგისტრაცია | შესვლა

საიტის მენიუ

ჩვენი გამოკითხვა

შიაფასეთ ჩემი საიტი
სულ პასუხი: 1792

მოგწონთ ჩიპიზაცია?

ხართ მომხრე ჩიპიანი პასპორტების და ბარათების !?
სულ პასუხი: 2353

მოუსმინეთ

სტატისტიკა

web site analyser
სულ ონლაინში: 1
სტუმარი: 1
მომხმარებელი: 0

სოციალური ქსელები

წიგნი მ. გიორგიზე

წ

დღესასწაულები

საათი/კალენდარი

საიტის მეგობრები

ჩვენი ბანერი

ჩვენი ბანერი


                                                                

შესვლის ფორმა

ლოგინი:
პაროლი:

ძებნა

მინი-ჩეთი

200

9/11 ეშმაკი

ანგელოზი გალობისას

მამა გაბრიელის ხმა

სასწაულები

მოლაპარაკე ხატი

სასწაულები

ფაილების კატალოგი
მთავარი » ფაილები » რელიგია/Religion » აპოკალიპსი

ცსს-ს აგენტი: ირანი "ომს ელტვის", რათა აღასრულოს წინასწარმეტყველება
10.08.2012, 12:56


ცენტრალური სადაზვერვო სამმართველოს აგენტმა რეზა ქალილმა (Reza Kahlili), რომელიც ადრე ირანის რევოლუციის დამცველთა შემადგნელობაში მსახურობდა და გამოაქვეყნა წიგნი "დრო ღალატისა" (A Time to Betray) და გააოგნა რადიო Tru News-ის წამყვანი რიკ ვაილსი (Rick Wiles) იმის გაცხადებით, რომ ირანის რეჟიმი სინამდვილეში მიესალმება ისრაელისა და აშშ-ს მიერ განხორციელებულ შეტევას ირანზე.

1979 წლის ისლამისტური რევოლუციიდან არსებული, ირანის ეს ერთის შეხედვით თვითმკვლელობის ტოლფასი მზადყოფნა პასუხი გასცეს აშშ-ს სანქციებსა და მუქარებს; ასევე სუპერსახელმწიფოსა და მისი სატელიტების აბუჩად აგდება, პრეზიდენტ მაჰმუდ ახმადინეჯადის (Mahmoud Ahmadinejad) მუქარები "თვალი თვალისა წილ" და ირანელი მოლების ღვარძლიანობა - უბრალო ბლეფი და პროპაგანდა როდია, არამედ რეალობა, რომელსაც შეუძლია ისტორიაში ჯერაც არნახული ცეცხლის გაღვივება, - ამტკიცებს კალილი.

კალილის განმარტებით "ირანის რეჟიმი უკანასკნელი კონფლიქტისთვის ემზადება. შეიარაღებულ ძალებში ისინი ავრცელებენ წიგნს, რომელსაც "უკანასკნელი ექვსი თვე" ეწოდება ("The Last Six Months"). წიგნი ისლამში ასწლეულობით არსებულ ტრადიციასა და ნიშნებს ეყრდნობა, რომლისაც სწამთ და რომლის მიხედვითაც ჟამი უკვე ახლოვდება. ისინი ამბობენ, რომ შეტევა სირიასა და ირანზე "ჟამის აღსასრულს" გამოიწვევს. ასე რომ, ისინი ამისთვის ემზადებიან და მეტიც, სურთ კიდევაც ამ ვითარების შექმნა. სინამდვილეში ისინი ომს ელტვიან.

შიიტური ღვთისმეტყველების მიხედვით უკანასკნელი ისლამური მესია (მაჰდი) სპარსეთში მოვა, რათა "ამოწყვიტოს ურწმუნოთა ნატამალი და სამყარო ერთი დროშის ქვეშ გაამთლიანოს; ხოლო ყოველივე დაუმორჩილოს ერთ, ისლამურ მთავრობას", - თქვა მან.

შემდეგ კალილი TruNews-ის მსმენელს მოუყვა ირანის პოტენციალის შესახებ და განაცხადა, რომ მას თავისუფლად შეუძლია მოაწყოს ახალი ჰოლოკოსტი. ის ჯერ კიდევ 1980-იან წლებში ირან-ერაყის ომის დამთავრებისთანავე შეიქმნა, რაზეც ერაყი სადამ ჰუსეინის დროსაც კი ვერ იოცნებებდა.

როდესაცს ირანის თავდაცვის მინისტრი აჰმად ვაჰიდიმ (Ahmad Vahidi) 2009 წელს განაცხადა, რომ ირანი ოპერაციებს გეგმავს ატლანტიკაში, წყალქვეშა ნავების ფლოტილიას გულისხმობდა, რომელიც აშშ-ს სანაპიროების სიახლოვეს კურსირებენ. ამ ხომალდების მეშვეობით შესაძლებელია "საკონტინენტთაშორისო ბალისტიკური რაკეტების გაშვება გაფრთხილების გარეშე", - განაცხადა კალილმა. "ასე, რომ ყოველივე ამას სერიოზულად უნდა შევხედოთ. ისინი ამისთვის სერიოზულად ემზადებიან. აშშ-სთან მიმართებაში მათ სერიოზული გეგმები ამოძრავებთ".

კალილმა შემდეგ დაამატა: "აიათოლა ხშირად საჯაროდ აცხადებდა, რომ ამერიკის აღსასრული მოახლოვდა; რომ აშშ და ისრაელი მალე განადგურდებიან; რომ ირანი აგრძელებს ბირთვული ბომბის შექმნის პროექტს და მოცემულ მომენტში მათ საკმარისად გააჩნიათ გამდიდრებული ურანი ექვსი ბირთვული ბომბის შესაქმნელად".

რიკ ვაილასმა კალილის ჰკითხა, შეუძლიათ თუ არა ირანელებს აპოკალიპტური დარტყმა მიაყენონ აშშ-ს სანაპიროებს ისე, რომ უჩინრად დარჩნენ - ხომ არ არის ეს საშიშროება, რომლისაც ყველაზე მეტად უნდა ეშინოდეთ ამერიკელებს.

"დიახ, შეუძლიათ", თქვა კალილიმ და თანაც აღნიშნა, რომ ირანმა შექმნა მცირე წყალქვეშა ნავები ერთადერთი მიზნით - მოახდინონ აშშ-ს სანაპიროების პატრულირება ნიუ-იორკიდან, ბოსტონიდან და სხვა იმ ქალაქებიდან სამი მილის დაშორებით, სადაც ჭარბობს ებრაული მოსახლეობა.

"როგორ წააგავს პერლ-ჰარბორს", - დაამატა კალილიმ. "თქვენ უეცრად თავს არსაიდან დაგესხმიან. მაგრამ მათ სინამდვილეში საპასუხო დარტყმები სულაც არ აინტერესებთ, რადგან ასეთია მათი რწმენა და იდეოლოგია, და ყველაზე საშიში და საშინელი სწორედ ესაა".

ვაილსმა კალილის ჰკითხა ირანის სხვა შესაძლებლობებზეც, რომლის შესახებაც საჭიროა იცოდეს ამერიკის მოსახლეობამ. კალილიმ უპასუხა, რომ რეალურ საშიშროებას წარმოადგენს ჩრდილო-კორეის სამხედრო გამოკვლევები და ტექნოლოგიები, განსაკუთრებით ელექტრომაგნიტური იარაღი.

ამგვარი იარაღის დეტონაცია გაანადგურებს მთელს კომუნიკაციურ ინფრასტრუქტურას, უბრალოდ "შეწვავს" ელექტრონულ შიგთავსს და მით გამოიწვევს ვალუტისა და ამერიკის ეკონომიკის კატასტროფულ დაცემას. კალილიმ დაადასტურა ცსს-ს სადაზვერვო მონაცემები იმის შესახებ, რომ ირანი ამ ტექნოლოგიებს ჩრდილოეთ კორეიდან ღებულობს.

"ეს არის ზემძლავრი ელექტრომაგნიტური იარაღი", თქვა კალილმა. "მათ შეუძლიათ გაუშვან იგი ბალისტიკური რაკეტების მეშვეობით და შემდეგ ცაში მოახდინონ მათი დეტონაცია. როგორც კი ამერიკის ინფრასტრუქტურის დესტაბილიზაციას გამოიწვევენ, იმწამსვე XVIII საუკუნეში გადაგვისვრიან: გაქრება ენერგია, წყალმომარაგება, საკვები, რადგან ყველა კომუნიკაცია განადგურებული იქნება. აშშ-ში ცხოვრება შეწყდება, - მორჩა და გათავდა".

კონგრესის საკონსულტაციო კომიტეტების შეფასებებით ამგვარი იარაღის დეტონაციიდან ერთ წელიწადში ამერიკელთა 2/3 სხვადასხვა პრობლემების გამო დაიღუპება, დაწყებული საკვების დეფიციტიდან დამთავრებული რევოლუციით. "მათ აქვთ ბომბები, მათ აქვთ რაკეტები, და სამწუხაროდ, ჩვენ ამაზე ნაკლებად ვფიქრობთ".
ორი წლის წინათ აშშ-ს სანაპიროებთან რამოდენიმეჯერ დააფიქსირეს რაკეტების გასროლა - მაშინ ვაილსმა აღნიშნა, რომ შესაძლოა ეს იყო ირანის და არა ჩინეთის სატესტო გაშვებები, ანუ ირანელები წყნარი და ატლანტიკის ოკეანის არეალსა და მექსიკის ყურეში ელექტრომაგნიტურ იარაღს ცდიდნენ. ერთი გაშვება დაფიქსირდა ნიუ-იორკის სანაპიროსთან ახლოს, მეორე კი მექსიკის ყურეში ტეხასის მახლობლად. ამ მოვლენებმა მასმედიაში ადეკვატური გაშუქება ვერ ჰპოვა, თუმცა თვითმხილველთა განცხადებები გაზეთების ფურცლებზე და ინტერნეტში, ვებ-საიტებზე მალევე გამოჩნდა.

მაგრამ ატომური ენერგიის საერთაშორისო სააგენტო ("მაგატე") ეს მოვლენები დააფიქსირა და თავის უკანასკნელ მოხსენებაში საერთაშორისო საზოგადოებას აუწყა კიდევაც.

"მაგატეს" ამასწინანდელი მოხსენება ადასტურებს რაკეტების ექსპერიმენტალურ გაშვებებს ხომალდებიდან (წყალქვეშა ხომალდებიდან?) და ქობინების დეტონაციას საჰაერო სივრცეში", ამბობს კალილი. "ასე, რომ ისინი (ირანის წყალქვეშა ნავები) მათ გაუშვებენ, შემდეგ მოახდენენ მათ დეტონაციას. "მაგატეს" ცნობით, ამ გაშვებების მიზანი ელექტრომაგნიტური შეტევა გახლდათ".

ის, ვინც ერაყთან ომის განმეორებას ელის, კალილი აფრთხილებს, რომ არ შეიძლება იმ შიიტური წინასწარმეტყველების უგულებელყოფა, რომელიც იდეოლოგიურად თან სდევს ირანის ფანატიკურ მიზანდასახულობას, რადგან კონფლიქტი, რომელსაც ირანი გეგმავს, შეიწირავს აშშ-სა და ისრაელის მილიონობით უდანაშაულო ადამიანს. მისი თქმით, აქ მთელი არსი რელიგიურ რწმენაშია და არა გეოპოლიტიკაში.

"ასე, რომ სირიასა და ირანზე შეტევა იქნება სიგნალი მოქმედებისკენ, რომლის შემდეგაც ირანი შეუტევს ისრაელსაც და ამერიკასაც. და ეს იქნება "ბოლო ექვსი თვის დასაწყისი...", განმარტა კალილმა. "ისინი წინასწარ განიცდიან სიხარულს ამ დღის გამო. ასე, რომ ერთი რამ აუცილებლად უნდა გაიგოთ: ისინი ეძებენ ომს და ამიტომაც, მათი სამხედრო რიტორიკა, რომელსაც აქ, დასავლეთში ჩვეულებრივ პროპაგანდად მიიჩნევენ, სინამდვილეში ასეთი როდია. მათ ნამდვილად სწამთ ამისი. და ისინი წინასწარ განიცდიან სიხარულს ირანზე შეტევისა, რადგან ამ სცენარისთვის უკვე მომზადებულები არიან".

კალილი აგრძელებს: "ათასობით ბირთვი განთავსდა მთელი მსოფლიოს მასშტაბით, - ჰესბოლაჰი, ისლამური ჯიჰადი და სხვა ორგანიზაციები, თვით აშშ-ში მყოფი ტერორისტული დაჯგუფებების ჩათვლით. ეს დაჯგუფებები მზად არიან დაიწყონ ბრძანების აღსრულება და ერთდროულად შეუტევენ ამერიკის უამრავ ქალაქს. ერთდროულად ასობით რაკეტა დაატყდება თავს ისრაელს; საშინელი ომი გაჩაღდება; ჰეზბოლაჰი, სირია და სხვა ორგანიზაციები ომში ჩაებმებიან და აშშ-ზე შეტევა დაიწყება".

"მათი ვარაუდით, ომის, ქაოსისა და უსჯულოების შედეგად დედამიწის მოსახლეობის 2/3 ამოწდება... და ეს ყველაფერი ექვს თვეში - ეს არის ვადა, რაც "მაჰდის" მოსვლას დასჭირდება.

კალილიმ მიანიშნა, რომ აშშ-ს შიგნით საომარი მზადების დიდ ნაწილს ეროვნული უსაფრთხოების სააგენტო ატარებს და ცდილობს შეამსუბუქოს ირანის ბირთვული ან ელექტრომაგნიტური შეტევა აშშ-ს ტერიტორიაზე. მან თქვა, რომ აშშ - ეს არის "საკმაოდ ცუდად დაცული ტერიტორია" და შეტევა "აქ ნამდვილ პანიკასა და შიშს გამოიწვევს".

კალილმა ასევე განაცხადა, რომ აშშ-ს ტერიტორიაზე ათასობით ტერორისტული დაჯგუფებაა მიმალული, ისინი თეირანის ნიშანს ელოდებიან შეტევის დასაწყებად. "ტერორისტული დაჯგუფებები საბრძლო მზადყოფნაში არიან და როგორც კი ბრძანებას მიიღებენ შეუტევენ ამერიკას... ისინი აქ არიან... კარგად შეიარაღებულნი და სრულ მზადყოფნაში მყოფნი მხოლოდ დროსა და ჟამს ელოდებიან...", თქვა კალილმა და დაამატა, რომ "მათ მექსიკელი და ლათინოამერიკელი პირებიც კი დაიქირავეს ტერორისტული აქტების განსახორციელებლად".

მაგრამ, კალილის თქმით იმ ირანელებს, რომლებიც აშშ-ში ცხოვრობენ, ვერც კი წარმოუდგენიათ ამგვარი საშიშროება, რადგან მათი უმეტესობა ირანის რეჟიმს 1979 წლის ისლამის რევოლუციის დროიდან გაექცა. ირანის რეჟიმი ისევე აწუხებს ირანელებს, როგორც სხვა ამერიკელებს.

რას იტყვით ნავთობის ფასზე? კალილიმ უპასუხა, რომ საუდის არაბეთისა და კუვეიტის ნავთობმომპოვებელ ველებზე თავდასხმა ნავთობის მსოფლიო ბაზარს გააპარტახებს, რადგან მისგან მილიონობით ბარელ ნავთობს წაიღებენ საკმაოდ დიდი ხნით და რაიმე გონივრული ფასის შენარჩუნებაზე იმედსაც კი არ დატოვებენ.

"ირანი რეგიონის ნავთობინფრასტრუქტურის განადგურებას გეგმავს. დაიწყებს საუდის არაბეთიდან და შეეხება ბაჰრეინს, არაბეთის გაერთიანებულ საემიროებს, კუვეიტსა და ყატარს...". ყველა ნავთობჭაბურღილზე შეტევის პირველი რეაქცია ის იქნება, რომ შეიქმნება სიტუაცია, რომლის მიხედვითაც ერთი ბარელი ნავთობის ფასი გადააჭარბებს $500, $600, $700-საც კი, ეს იქნება მსოფლიო ეკონომიკის კრახი, შემდეგ დაიწყება ტერორისტული შეტევები მთელს მსოფლიოში და ისრაელზე ერთდროული ასობით სარაკეტო დარტყმა - თუმცა, ყველაზე უარესი ჯერ კიდევ წინ იქნება".

კალილმა ივარაუდა, რომ ირანთან კონფლიქტი შესაძლოა უკვე ივლისშივე დაიწყოს და არსებობს შესაძლებლობა პირველი დარტყმა მანვე მიაყენოს დასავლეთს. გრძელვადიან პერსპექტივაში, ირანის ხელმძღვანელობის ფანატიზმს თუ გავითვალისწინებთ, მესამე მსოფლიო ომი გარდაუვალია. მისი თავიდან აცილების იმედი შეიძლება მხოლოდ ამ რეჟიმის შიგნიდან შეცვლის შემდეგ გაჩნდეს, რაც ნაკლებად სავარაუდოა...


წყარო: http://www.apocalypse.ge/sxv_irani_edzebs_oms_rata_agsruldes_cinascarmetyveleba.html
კატეგორია: აპოკალიპსი | დაამატა: giorgi
ნანახია: 1322 | რამოტვირთვები: 0 | კომენტარი: 1 | რეიტინგი: 0.0/0
სულ კომენტარები: 1
1  
საიტზე კიდევ დადეთ რაიმე ახალი რა

კომენტარის დამატება შეუძლიათ მხოლოდ დარეგისტრირებულ მომხმარებლებს
[ რეგისტრაცია | შესვლა ]

Copyright MyCorp © 2009-2017 |