შაბათი, 25.05.2019, 14:25მთავარი | რეგისტრაცია | შესვლა

საიტის მენიუ

ჩვენი გამოკითხვა

შიაფასეთ ჩემი საიტი
სულ პასუხი: 1803

მოგწონთ ჩიპიზაცია?

ხართ მომხრე ჩიპიანი პასპორტების და ბარათების !?
სულ პასუხი: 2370

მოუსმინეთ

სტატისტიკა

web site analyser
სულ ონლაინში: 1
სტუმარი: 1
მომხმარებელი: 0

სოციალური ქსელები

წიგნი მ. გიორგიზე

წ

დღესასწაულები

საათი/კალენდარი

საიტის მეგობრები

ჩვენი ბანერი

ჩვენი ბანერი


                                                                

შესვლის ფორმა

ლოგინი:
პაროლი:

ძებნა

მინი-ჩეთი

200

9/11 ეშმაკი

ანგელოზი გალობისას

მამა გაბრიელის ხმა

სასწაულები

მოლაპარაკე ხატი

სასწაულები

ფაილების კატალოგი
მთავარი » ფაილები » რელიგია/Religion » მართლმადიდებლობა

მაგიური საიდუმლოებების ცოდნა ადამიანს მომაკვდინებელ ცოდვაში აგდებს
09.01.2011, 11:51
მაგიური საიდუმლოებების ცოდნა…
მაგიური საიდუმლოებების ცოდნა…

მაგიური საიდუმლოებების ცოდნა ადამიანს მომაკვდინებელ ცოდვაში აგდებს


ოდითგანვე ადამიანი მიისწრაფვოდა გაეგო დაფარული სამყაროს საიდუმლოებანი. ცდილობდნენ დაკავშირდებოდნენ საიქიოს, იძახებდნენ სულებს, ატარებდნენ ამა თუ იმ მაგიურ რიტუალებს... ასე წარმოიშვა ოკულტიზმი, დაფარული ანუ ეზოთერული ცოდნა. თემა, რომელზეც წმინდა იოანე ღვთისემტყევლის სახელობის ტაძრის დეკანოზი, მამა გიორგი (სხირტლაძე) გვესაუბრება, შეეხება საკითხს, ვარდება თუ არა ცოდვაში ადამიანი, ვინც იძიებს შეუცნობელს და ცდილობს, დაუკავშირდეს იმქვეყნიურ სამყაროს, ანუ ოკულტიზმით არის გატაცებული. 

– მამაო, განგვიმარტეთ სიტყვა "ოკულტიზმის" მნიშვნელობა. 

– ოკულტიზმი ნიშნავს დაფარულს, ეზოთერულს, ეს არის გარკვეული საზოგადოების წევრთა სპეციფიკური ცოდნა, რომელიც მაგიურ ხასიათს ატარებს და დაფარულია ჩვეულებრივი ადამიანებისთავის. ეს გარკვეული საზოგადოება ცდილობს მოიპოვოს მსოფლიო მბრძანებლობა ან მბრძანებლობა გარკვეულ ადამიანებზე, რასებზე, ერებზე და ა.შ. ეს არის დაფარული ცოდნა გარკვეული მაგიური საიდუმლოებისა, მკითხაობისა, ასტროლოგიური პროგნოზებისა, ექსტრასენსული შესაძლებლობებისა, სპირიტუალურ, დაცემულ სულთა ურთიერთობის ცოდნა და შემდგომ მათი გამოყენება სხვადასხვა მაგიური მიზნისათვის. ეს არის ალქიმიური ცოდნა, ეს იქნება ინდური, ეგვიპტური თუ ბერძნული მისტერიები და ა.შ. ეს ყველაფერი წარმოადგენს ოკულტიზმის სფეროს, რომელსაც საქმე აქვს არასტანდარტულ, ცნობიერების განსხვავებულ, არანორმალურ ხედვასთან. 

– ადამიანი, ვინც ეძებს დაფარულს და შეუცნობელს, ცოდვას ჩადის? 

– არსებობს ერთი ცოდნა – საყოველთაო, რომელიც არის გამოცხადებული ქრისტეს მიერ და ეს არის სახარებისეული ცოდნა, მაგრამ არსებობს ადამიანთა ჯგუფები, რომლებიც ცდილობენ მაგიური ცოდნის შეძენას, რათა თავიანთი პირადი ძალაუფლება და პირადი ინტერესები დააყენონ მაღლა, ვიდრე ინტერესები მოყვასისა. ცდილობენ, შევიდნენ ამა თუ იმ დაცემულ სულებთან კონტაქტში, გამოიძახონ ისინი, ჰქონდეთ მათთან ურთიერთობა, გაიგონ ჩვეულებრივი ადამიანისთვის მიუწვდომელი საიდუმლოებები, ინფორმაციები და მათი მეშვეობით ჰიპნოზური გავლენა იქონიონ სხვა ადამიანებზე. როდესაც ადამიანი ცდილობს, ეს ძალები მოიპოვოს და ადამიანში ღვთის ხატებისა და მსგავსების უზურპაცია მოახდინოს შავი ძალებით, გარკვეული ტექნიკით – ეს იქნება მედიტაცია, სხვადასხვა სუნთქვითი ვარჯიშები თუ ტექნოლოგიები, ეს არის მომაკვდინებელი ცოდვა. ფარდა, რომელიც გვაშორებს ჩვენ იმ სამყაროს, ღმერთმა ჩამოდო, ბუნებრივად დაფარა ამ ფარდით ის რეალობა, რომელიც ჩვენთვის მიუწვდომელია. მაგიური მეთოდებით მცდელობა და მიღწევა გარკვეული საკრალური ძალების მოპოვებისა, არის ძალიან დიდი ცოდვა. ასეთ დროს ხდება ადამიანის შეპყრობილება, მას თან სდევს დაცემული, დემონური სულები, ჯამში, ადამიანი ხდება ამ სულების მარიონეტი. 

ოკულტური ცოდნა, რომელიც არსებობს შავი მაგიის სახით, დღეს არის საკმაოდ პოპულარული სხვადასხვა წიგნების სახით, დაწყებული ეგვიპტური მაგიიდან. არსებობს ასევე იოგას მეთოდები, მედიტაციიდან დაწყებული დამთავრებული სუნთქვითი ვარჯიშებით; ინდური, წითელი რასის თუ ტიბეტური შამანიზმი, რომლებიც ცდილობენ ადამიანში გააღვიძონ გარკვეული ხედვები. არიან ადამიანები, რომლებიც გადაბმულად, მთელი დღეები არ იძინებენ ან დღის მაგივრად ღამით ღვიძავთ და დღე იძინებენ. ეს სუფისტური ტექნიკებია. არსებობს უამრავი ტექნიკა კონცენტრაციებისა, რომლებიც აბსოლუტურ სიბნელეში ხდება, რომ ადამიანის სული, სამშვინველი და სხეული გაიხსნას და შიგნით შევიდეს ეს ძალები, რომლებიც უგალავნო ქალაქს ამსგავსებენ ადამიანს – ვისაც უნდა შედის, ვისაც უნდა გამოდის. 

თუ წაგიკითხავთ გოეთეს "ფაუსტი", იქ შესანიშნავ მაგალითს პოვებთ. მანამდე უამრავი "ფაუსტი" იყო დაწერილი და ეს გოეთესთვის მასალა იყო. განსაკუთრებით პირველ ნაწილში შესანიშნავად არის გადმოცემული ტრივიალური შემთხვევა, თუ როგორ ხდება კონტაქტი სულებთან, შემდეგ როგორ ხდება ადამიანის უზურპირება ამ სულების მიერ და რითი მთავრდება ეს ყოველივე. თუმცა გოეთესთან ბედნიერი დასასრული აქვს, სინამდვილეში კი ყოველთვის მთავრდება ადამიანისთვის ძალიან ცუდად. საკმაოდ ძნელია ადამიანის გამოსვლა ოკულტიზმის ცოდვიდან. ამისთვის სპეციალური ლოცვითი კანონი არსებობს, რომელსაც ადამიანი გამოჰყავს ამ მდგომარეობიდან. 

– არსებობს თუ არა "მესამე თვალი"? 

– არსებობს ადამიანში ღვთის ხატად და მსგავასად ჩადებული ცენტრები, რომლებსაც ეზოთერული ცოდნის ადეპტებს ან მესამე თვალს ეძახიან, ან ბრაჰმას ხვრელს უწოდებენ, ხან – ჩაკრას, ხან – ინტუიციას, ხან – მეექვსე გრძნობას და ა.შ. მაგრამ, რაც შეეხება იმას, რეალურად არსებობს თუ არა, ეს უფრო სიმბოლურ–ოკულტურია, რადგანაც ადამიანში უამრავი რაღაც არსებობს. იგი ღვთის ხატად და მსგავსად შექმნილია და მასში უამრავი უნარი და ძალაა ჩადებული, რისი მაგალითებიც გვაქვს ქრისტიან წმინდანთა ცხოვრებაშიც. ისინი ღვთის მადლით უზარმაზარ სასწაულებს აღასრულებდნენ და არა – ფოკუსებსა და მაგიურ ფეიერვერკულ ფანდებს. ამიტომ მესამე თვალად წოდებული გარკვეული გრძნობადი ცენტრი არსებობს ადამიანში. ენერგოკვანძები, რომლებიც შეიძლება შუბლზე იყოს, ორ თვალს შორის, გარკვეული ვარჯიშების შემდეგ ადამიანის მიერ განსაკუთრებით ფიქსირებული ხდება და განსაკუთრებული შეპყრობილობის ადგილიც ხდება. იქ შედის ბოროტი ძალა, რომელიც ვიბრირებს და ადამიანს აძლევს გრძნობას თითქოს მესამე თვალის. სინამდვილეში ცდუნება–ხიბლია. კონცენტრაციის შედეგად წარმოიშობა გარკვეული გრძნობა შუბლზე პაჭუნისა, ვიბრაციისა, თითქოს შუბლზე რაღაც ბურთულა ტრიალებს. ეს ხდება მაგიური ვარჯიშებით და ადამიანს აქვს შეგრძნება წინასწარმეტყველებისა, შეგრძნება გარკვეულ დისტანციაზე ხედვისა, წინასწარგრძნობისა. აქვს გარკვეული ხედვების უნარი ძილსა და ღვიძილს შორის, რომელიც მას ადვილად აძლევს დაცემულ სულებთან ურთიერთობის საშუალებას. 

– თუკი ბოროტი ძალა მოქმედებს მასზე, ადამიანს ეს მაინც ცოდვად ეთვლება? 

– ბოროტ ძალებს ვერაფერს გადააბრალებ, რადგან თვითონ ადამიანი ხსნის ფანჯარას ამა თუ იმ ხვრელის. ბოროტ ძალას არ აქვს ძალადობის უფლება. ადამიანი უხსნის ფანჯრებს მას, ეს იქნება ნემსით, ჰაშიშის მოწევით, რაიმე აბების გადაყლაპვით თუ უბრალო ალკოჰოლის მიღებით. ყველაზე "ეფექტური" შესასვლელი გვირაბი ადამიანში არის ნარკომანია. სისხლის შესახებ სწავლებას მაგიაში განსაკუთრებული ადგილი უჭირავს. თუ ადამიანი ეზიარება, ლოცულობს და მარხულობს, იგი დაცულია და არ ემუქრება ჯადოს გაკეთების საშიშროება. 

კოსმიური ცნობიერების გახსნის შემდეგ ადამიანები ისეთ შეურაცხად მდგომარეობაში არიან, რომ მარტო კვეთებულის, ლახვრის ლოცვას, გახსნის ლოცვებს, აღსარებას და ხშირ ზიარებას შეუძლია მათი პარანორმალური მდგომარეობიდან გამოყვანა. ამიტომ ძალიან დიდი სიფრთხილე გვმართებს იმ ლიტერატურის მიმართ, რომელსაც ქუჩებსა და მაღაზიებში ვაწყდებით ეზოთერულ–ოკულტური მაგიური ლიტერატურის სახით. 

ნეტარ არს კაცი, ვინც არა დაბრკოლდა ქრისტეს მიმართ და მოვიდა ქრისტესთან. არსებობს ღმერთი და არსებობს მისი მსახურება. სხვა, სათადარიგო შავი ხვრელები და შესასვლელები არ აქვს სასუფეველს. სასუფეველს აქვს ერთი კარი, რომელიც არის ქრისტე! 

ანა ნოდია 
კატეგორია: მართლმადიდებლობა | დაამატა: giorgi
ნანახია: 3745 | რამოტვირთვები: 0 | რეიტინგი: 4.5/2
სულ კომენტარები: 0
კომენტარის დამატება შეუძლიათ მხოლოდ დარეგისტრირებულ მომხმარებლებს
[ რეგისტრაცია | შესვლა ]

Copyright MyCorp © 2009-2019 |