,,მღვდლობა უწმინდესი მსახურებაა" ინტერვიუ მამა ილიასთან ჩიკვაიძე
19.12.2011, 20:02
ქართლის ქრონიკა. ესაუბრა ლია ჯახველაძე
მღვდლობა უწმინდესი მსახურებაა!
პირველად მოძღვრის ქადაგებას მოვუსმინე,ვისაუბრეთ,მამა ილიას დაარსებული ჟურნალი ,,საქართველოს მოამბე" წავიკითხე,მის პოეზიას,პუბლიცისტურ წერილებს გავეცანი და გაკვირვებული დავრჩი მისი მრავალმხრივი მოღვაწეობის გამო.ღვთიური საქმის კეთებაში ღვთისგანაა დალოცვილი,გაძლიერებული და მართალს ვიტყვი: ჩვენს ეპარქიაში თვით უფალმა გამოგზავნა უწმინდესის ლოცვით და მეუფის კურთხევით... მამა ილია ჩიკვაიძე ქარელის წმინდა ნიკოლოზის საკათედრო ტაძარში მსახურობს.გთავაზობთ ინტერვიუს მოძღვართან: - მამაო დაგვლოცეთ და გვაკურთხეთ! - ღმერთმა დაგლოცოთ,გაკურთხოთ და ხსნილგყოთ თაობიდან თაობაში. - თქვენს მიერ განვლილი გზის შესახებ გვიამბეთ,თქვენი ოჯახის შესახებ როგორი ბავშვი იყავით,წარჩინებით სწავლობდით? - დავიბადე ტრადიციულ ქართულ ოჯახში,თბილისში,მამის გარდაცვალების შემდეგ ჩვენი ოჯახი თელავში დედის მშობლიურ ქალაქში გადავიდა საცხოვრებლად:ჩვენს ოჯახში,სარწმუნოებას,სამშობლოს სიყვარულს და სწავლა-განათლებას პირველი ადგილი ეჭირა,37 წელს რეპრესირებული ოჯახი იყო.მამის მხრიდან წინაპრები სასულიერო პირები იყვნენ,მამიდა იტყოდა ხოლმე,მეხსიერებას არ ახსოვს ჩვენს წინაპრებში შეუმოსავი კაციო,საქართველოს კათოლიკოს-პატრიარქი დავით V დევდარიანი და ბებიაჩემი ბიძაშვილები იყვნენ.სანათესაოში უწმინდესს მახსოვს ხარიტონს ეძახდნენ,რომ გავიზარდე გავაცნობიერე რომ თურმე ჩვენი ხარიტონ ბაბუა საქართველოს სულიერი მამა და დიდი პატრიარქი ბრძანდებოდა,ახლა ხშირად შევთხოვ მის დიდ სულს შეწევნას და დახმარებას,ყოველთვის მეყვსეულად ამისრულებს ხოლმე სათხოვარს. ჩემი პირველი მოძღვარი ალავერდელი მიტროპოლიტი გრიგოლი ცერცვაძე იყო უტკბილესი და უსპეტაკესი ადამიანი,ეს ის მეუფე გრიგოლია,უმინდესს ილიას აღსაყდრებისას რომ თავზე საპატრიარქო მიტრა-გვირგვინი დაადგა.კეთილად მახსოვს მისი ტკბილი სწავლანი და კურთხევანი. თელავის ღვთაების საკათედრო ტაძარი რუსიშვილების საგვარეულო ტაძარია,დედა რუსიშვილი იყო,ბავშობაში ხშირად დავყავდი იქ.მახსოვს ვყიდულობდი უამრავ სანთლებს ვანთებდი და სახში გახარებული ვბრუნდებოდით. დედა თელავში ცნობილი პედაგოგი იყო,ჩვენს ოჯახში გვარდებოდა ათეულობით ადამიანის პრობლემები,მას ეს თვისება უხვად ჰქონდა ღვთისგან მიმადლებული. მამა ფილოლოგიის კათედრის გამგე იყო,მაშინდელ ინტელიგენციაში მეტად ცნობილი პიროვნება,ძალიან ახალგაზრდა დაიღუპა ავტოავარიაში.რაც შეეხება მოსწავლეობას,ჩვეულებრივი მოწაფე გახლდით,თუმც მაღალი აკადემიური მოსწრება მქონდა მიყვარდა კითხვა და სწავლა. - როგორ გახდით მოძღვარი? - მღვდლის მზადებას დიდი დრო სჭირდება,მღვდლობა ხელობა არ არის,ის უწმინდესი მსახურებაა,მღვდლად თუ ხარ,პირადი ცხოვრება აღარ ფაქტობრივად აღარ გაქვს,ესაა დაუცხრომელი შრომა ადამიანის სულების ცხონებისათვის.მღვდლობა მარტო ლიტურგიკული წესების ცოდნა არ არის,ეს შესაძლებელია ერისკაცმაც იცოდეს,მღვდლობა სულიერი განზომილებაა,ამდენად მასზე მძიმე შრომა დედამიწაზე არ არსებობს. 80 - იანი წლებიდან ტაძარში ვარ ძალიან დიდი ხანი ვემზადებოდი სასულიერო პირობისათვის საბოლოო გადაწყვეტილებამდე კი უწმინდესის ლოცვა-კურთხევევის შემდეგ მივედი:შარშან ჩემმა უძვირფასესმა ადამიანმა მიტროპოლიტმა იობმა მაკურთხა დიაკვნად და მღვდლად ურბნისის საკათედრო ტაძარში,სადაც ქარელში ჩამოსვლამდე ვმსახურობდი.მე ვმადლობ უფალს,უწმინდესს ილიას და მეუფე იობს,რომ ამ უდიდეს მადლს მაზიარეს. - რომელი თვისებებია აუცილებელი მართლმადიდებელი ადამიანის საცხოვნებლად? -როგორც უწმინდესი და უნეტარესი ილია მეორე ბრძანებს,ბოლო ჟამის ადამიანები თავმდაბლობით და მოწყალებით ცხონდებიანო. -რას გვეტყვით თქვენს პეზიაზე,როდის დაიწყეთ ლექსების წერა? - ჩვენი დროის გამოჩენილი სულიერი მოძღვარი არქიმანდრიტი რაფაელი კარელინი ბრძანებს,მე არ ვიცი როგორ ვლოცულობ ლოცვა თავად მქმნის მე,ასევე მე არ ვიცი როდის დავიწყე ლექსების წერა,ან როგორ იქმნება ლექსი,ლექსი ხშირად თავად ქმნის მის შემოქმედს გახსოვთ ლექსის სიტყვები:,მე არ ვწერ ლექსებს,ლექსი თვითონ მწერს.." პოეზია ეს არის უწმინდესი და უფაქიზესი რხევა სულის სიღრმეებში არსებული ფარული სიმებისა.წმინდა მღვდელმთავარი გაბრიელ ქიქოძე ბრძანებს,რომ ვისაც პოეზიის მოსმენა და აღქმა,ლექსით აღვფრთოვანება არ შეუძლია სულიერებასთან საერთო არაფერი აქვსო. - თქვენ წმინდა ილია მართლის ჟურნალ ,,საქართველოს მოამბის"რედაქტორ-გამომცემელი ბრძანდებით,რა ფუნქცია დააკისრეთ მას? - ჟურნალი,,საქართველოს მოამბე" 1996 წელს გამოვიდა .იგი დიდმა ილიამ ხომ 1863 წელს დაარსა,ბავშობიდან მიყვარდა ილია,მის ცხოვრება და ღვაწლი ჩემთის სამაგალითო და ათვლის წერტილი იყო,არის და იქნება. საქართველოს მოამბის აღდგენა გამოცემა უწმინდესს ძალიან გაეხარდა და მაკურთხა,ისტორიულ ამბებზე გაამახვილე ყურადღება,ჩვენ მხოლოდ ეს გადაგვარჩენსო,ეროვნული ცნობიერების ამაღლება არის მთავარიო. საერთოდ უწმინდესი ილია ჩემთვის და ყველა ქარველისთვი მამულიშვილისთვის განუზომელი სიწმინდეა,მასთან ურთიერთობა სავსეა სიბრძნისა,თავმდაბლობისა,სიყვარულისა და მაღალი კულტურისა... - როგორ უნდა მოვემზადოთ აღსარებისთვის? - აღსარებას წმინდა მამები მეორე ნათლობას უწოდებენ,იგია უწმინდესი სულიერი აქტი ღვთისა და კაცისა მისტიურ ერთობისა,რა თქმა უნდა აღსარებისას უნდა ვეძიოთ მოტივი,რატომ ვცოდეთ,სარეველას ზედაპირულ მოგლეჯვას რა აზრი აქვს,თუ ფესვიანათ არ ამოვძირკვავეთ იგი,ამიტომ მოძღვარმა მორწმუნე ნელ-ნელა უნდა შეაჩვიოს სულიერ ღრმა აღსარებას,რაც უცილობელი წინაპირობაა ადამიანში ღვთის ხატების გამობრწყინებისა,ეს პროცესი თუ მოძღვრის სულიერი ხელმძღვანელობით სწორად წარიმართა ,აუცილებლად მოხდება სინერგია - ღვთსა და კაცის შეერთება,რაც არის ეკლესიური ცხოვრების უფრო მეტიც,საერთოდ ადამიანის ამქვეყნიური ცხოვრების მიზანი,ესაა განღმრთობის საიდუმლო,რომელიც ყველა ადამიანისთვისაა შესაძლებელი,სულიერი სამყარო ესაა სივრცე,რომელშიც არწივი ფრენს,ამ სივრცეში ყველას და ყველაფერს თავისი მკაცრად განსაზღვრული ადგილი და დანიშნულება აქვს და ყველა ადამიანს შესწევს ძალა თავისი შესაძლებლობების ფარგლებში გააღწიოს ღმერთამდე. - ორიოდე დღეც და მარხვა დაიწყება რას უსურვებთ მართლმადიდებელ მრევლს ? - ღმერთმა შეგვაძლებინოს ჩვენ ყველას მართლად დიდება ღვთისა,ღმერთმა შეგვაძლებინოს მართლად გვემარხოს რათა ჩვენი მარხვა არ დაემსგავსოს დიეტას,არამედ სრულყოფილი იყოს მარხვა მართლაც საოცარი მეცნიერებაა სულისა და უხსოვარი დროიდან იღებს სათავეს...
